Би Орос улсад сурмаар байна. Та надад урилга илгээж болох уу?
Studyinrussia.ru урилга илгээдэггүй. Гадаадын элсэгч их сургуульд элссэнийхээ дараа урилга авч болно. Энэ баримт бичгийг их сургуулийн ажилтан Оросын Дотоод хэргийн яамны Цагаачлалын асуудал эрхэлсэн ерөнхий газраас авч илгээдэг. Та эхлээд элсэлтийн бүх үе шатыг дуусгах ёстой: мэргэжил, хөтөлбөрөө сонгох, их сургууль руугаа элсэх хүсэлт илгээх, баримт бичиг бүрдүүлэх болон уралдаант шалгалтад тэнцэх. Үүний дараа зураасан код бүхий урилгын PDF хуулбарыг таны имэйл хаяг руу илгээх болно. Оросын Элчин сайдын яам эсвэл визийн төвд (тухайн улсаас хамаарч) оюутны виз мэдүүлэхдээ үүнийг хэвлээд, илгээх баримт бичгийн цуглуулга дээр хавсаргасан байх ёстой.
Хэрэв та тэтгэлэгт квотын ялагч бол таны урилгыг Россотрудничество агентлагаас баталгаажуулна. Их сургуулийн цахим урилгаас ялгаатай нь тэтгэлэгт оюутны визийн хүсэлтийг Оросын Холбооны Улсын Шинжлэх ухаан, дээд боловсролын яамнаас элсэгчийн эх оронд байгаа Оросын Элчин сайдын яам руу илгээдэг. Визийн хүсэлт бэлэн болонгуут Russia-edu.ru портал (арын алба болон хүсэлт гаргагчийн хувийн бүртгэл) визийн хүсэлтийн дэлгэрэнгүй мэдээллийг (дугаар, огноо, хүчинтэй хугацаа) харуулна. Энэхүү мэдээллийг хүлээн авсны элсэгч нь Элчин сайдын яамтай холбоо барьж (визийн хүсэлтийн мэдээллээр нь элсэгчийг жагсаалтаас олох шаардлагатай), визийн баримт бичгээ бүрдүүлж өгөх боломжтой. Зарим их сургууль элсэгчдэд тэдний визийн хүсэлт нь бэлэн болсныг мэдээлдэг боловч та үүнийг өөрөө хянаарай.
Гадаадын иргэдэд оюутны виз олгох тухай дэлгэрэнгүй мэдээллийг эндээс уншина уу.
