Yastrebov Oleg Aleksandrovich
Rektor
Bizning eng ustuvor vazifamiz — talabaning o‘z mamlakati uchun malakali mutaxassis tayyorlashdir. U Rossiyada olgan bilimlarini o‘z yurtida qo‘llashi kerak. Shu sababli bizdagi barcha ishlar, jumladan, bitiruv malakaviy ishlari ham talaba kelgan mamlakatga yo‘naltiriladi. Shuningdek, barcha talabalarimiz do‘stona munosabatlar o‘rnatish, yetakchilik qilish hamda xalqaro va turli konfessiyalar vakillaridan iborat jamoada ishlash ko‘nikmalarini egallaydilar.
Universitet haqida
РУДН — Rossiyada ham, xorijda ham keng tanilgan global, xalqaro ta’lim va ilmiy markaz bo‘lib, uning 200 mingdan ortiq bitiruvchisi dunyoning 180 dan ziyod mamlakatida faoliyat yuritadi. РУДН — fakultetlar, institutlar va ta’lim yo‘nalishlarining dunyodagi yetakchi klassik universitetlarga xos bo‘lgan ko‘p tarmoqli tuzilmasiga ega Rossiyadagi yagona oliy ta’lim muassasasidir. РУДНda mutaxassislar turli ta’lim darajalaridagi 400 dan ortiq dastur, jumladan, xorijiy tillardagi dasturlar bo‘yicha tayyorlanadi.
РУДН Rossiya oliy ta’lim muassasalari orasida xorijiy hamkor universitetlar bilan eng ko‘p — 160 dan ortiq qo‘shma ta’lim dasturlarini (ikki diplomli va integratsiyalashgan ta’lim dasturlarini) amalga oshiradi.
Hozirgi vaqtda РУДНda dunyoning 161 mamlakatidan 40 mingdan ortiq talaba, aspirant, ordinator va stajyor tahsil olmoqda. Ular orasida 500 dan ziyod xalq va millat vakillari bor. Barcha ta’lim shakllarida tahsil olayotgan xorijiy talabalar soni 13 mingdan ortiq.
Biz raqamlardamiz
13 000
xorijiy talabalar
359
QS reytingidagi jahon reytingi
3
Rossiya universitetlari orasida QS reytingidagi o‘rin
16
fakultetlar, institutlar, akademiyalar va oliy maktablar
72
Chet tillardagi dasturlar
Qo'shimcha dasturlar
Qo'shimcha tayyorgarlik fakultetlari
Ikki diplomli dasturlar
Universitet infratuzilmasi
Kampus
14 ta talabalar turar joyida shinam xonalar va jihozlangan oshxonalar mavjud. Talabalarga qulaylik yaratish maqsadida turar joylarda kir yuvish xonalari, kimyoviy tozalash shoxobchalari, atelyelar, go‘zallik salonlari hamda turli milliy taomlar taklif etiladigan kafelar faoliyat yuritadi. Talabalar kampusining barcha binolari bir-biridan piyoda yurish masofasida joylashgan.
Klinik-diagnostika markazi
Universitet hududida o‘z Tibbiyot markazi joylashgan bo‘lib, bu talabalarga bevosita kampus hududida tibbiy yordam olish imkonini beradi. Markaz malakali tibbiy xizmatlar ko‘rsatadigan ko‘p tarmoqli davolash-profilaktika muassasasidir.
Sport va dam olish
Talabalarga qulaylik yaratish maqsadida RUDN turli sport turlari bilan bepul shug‘ullanish uchun sport zallari va maydonchalarini taqdim etadi. Talabalar ob-havo sharoitidan qat’i nazar, yil davomida sport bilan shug‘ullanishlari mumkin.
Xavfsizlik
RUDN hududi devor bilan o‘ralgan bo‘lib, zamonaviy videokuzatuv tizimi, qo‘riqlash xizmati va avtomatik yong‘in signalizatsiyasi bilan jihozlangan. RUDN hududi sutka davomida videokuzatuv ostida bo‘ladi. Talabalar va mehmonlar barcha binolar, yotoqxonalar va o‘quv korpuslariga elektron kirish tizimi orqali kiradi.
Kutubxona
Barcha talabalar o‘quv adabiyotlari bilan bepul ta’minlanadi. Shuningdek, ularga o‘quv zallari va kompyuter xonalarida darslarga tayyorlanish imkoniyati yaratiladi.
Aloqalar
Patris Lumumba nomidagi RUDN universiteti
Patris Lumumba nomidagi Rossiya xalqlar do‘stligi universiteti