Dastur haqida
Ta’lim dasturi aviatsiya texnikasining zamonaviy holati va rivojlanish istiqbollari haqida tushuncha beruvchi fanlarni o‘z ichiga oladi. Talabalar havo kemalari detali, uzeli va agregatlarini loyihalash-konstruktorlik hamda texnologik jihatdan ishlab chiqish ko‘nikmalarini egallaydilar. O‘quv rejasi murakkab, yuqori texnologiyali texnikani raqamli modellashtirish, loyihalash va ishlab chiqarish bo‘yicha mustahkam ko‘nikmalarni shakllantiruvchi fanlarning uzluksiz izchilligini nazarda tutadi. Bitiruvchilar zamonaviy axborot texnologiyalaridan foydalangan holda korxonalarning yagona axborot makonida ishlashga qodir.
