Dastur haqida
Dastur talabalarga jadal rivojlanayotgan sun’iy intellekt va ma’lumotlar fanlari sohalarida muvaffaqiyatli faoliyat yuritish uchun zarur bo‘lgan ko‘nikma va bilimlarni berishga qaratilgan hamda sun’iy intellektning zamonaviy nazariy va amaliy jihatlarini chuqur o‘rganish imkonini beradi. Dastur mashinaviy o‘qitish hamda neyron tarmoqlarni chuqur o‘qitish vositalarini amaliy qo‘llashga, shuningdek, sun’iy intellektni iqtisodiyot, fan va texnikaning turli sohalariga joriy etish va undan foydalanish masalalariga yo‘naltirilgan.