Окуу программасы жөнүндө
Электроэнергетика — бул электр энергиясын өндүрүү, берүү жана бөлүштүрүү менен алектенген өнөр жайдын негизги тармагы. Электроэнергетика жана электротехникадагы Менеджмент профили электр энергиясын өндүрүү, берүү жана бөлүштүрүү боюнча энергетикалык ресурстарды цех деңгээлинен баштап ишканага, концернге, тармакка чейин туура, ийкемдүү жана илимий негизделген башкарууну билдирет. Электроэнергетика тармагындагы менеджмент боюнча адистер заманбап ишканаларда өтө талап кылынат, анткени энергетикалык чарбанын ишин башкаруу жана оптималдаштыруу аркылуу уюмдар электр энергиясын колдонуу натыйжалуулугун жогорулатып, энергия чыгымдарын азайтууга жетишип жатышат.