Окуу программасы жөнүндө
Колдонмо информатика — бул даяр санариптик өнүмдөрдү жөн гана пайдаланып тим болбостон, бизнес жана мамлекеттин иштөө логикасын өзгөртө турган маалыматтык системаларды түзүп, ишке ашырууну каалагандар үчүн программа. Сиз бизнес жана мамлекеттик мекемелер үчүн маалыматтык системаларды (ERP, CRM) иштеп чыгууну, киргизүүнү жана талдоону, заманбап IT-технологиялар жана куралдар (1С, Python, SQL, BI-системалар) аркылуу экономикалык жана башкаруу процесстерин автоматташтырууну, ошондой эле колдонмо маселелерди чечүү үчүн чоң маалыматтарды талдоо ыкмаларын (Data Science) колдонууну үйрөнөсүз: божомолдоо, чыгымдарды оптималдаштыруу, натыйжалуулукту жогорулатуу — мунун баары бүгүнкү күндө корпоративдик сектордо, IT-консалтингде жана финансылык чөйрөдө өтө талап кылынган багыттар.