Kropachev Nikolay Mixaylovich
Rektor
Sankt-Peterburg davlat universiteti an’analarni innovatsiyalar bilan uyg‘unlashtiradigan klassik universitet bo‘lgan va shunday bo‘lib qolmoqda. Biz ilmiy merosga ehtiyotkorona munosabatni doimo olg‘a intilish bilan uyg‘unlashtiramiz, ilmiy maktablarni qo‘llab-quvvatlaymiz va bilim ufqlarini kengaytiramiz.Universitetimiz bitiruvchilari orasida Rossiyaning ikki prezidenti, Nobel mukofotining to‘qqiz nafar laureati, Filds medalining ikki nafar sohibi hamda boshqa ko‘plab atoqli bitiruvchilar bor. Bugungi kunda biz Rossiya Federatsiyasi Hukumati tomonidan tasdiqlangan o‘z rivojlanish dasturiga ega milliy universitetmiz.
Universitet haqida
Sankt-Peterburg davlat universiteti — Rossiyaning birinchi universiteti hamda Yevropa va dunyodagi eng yirik ilmiy-ta’lim markazlaridan biridir.
2024-yilda Sankt-Peterburg universiteti o‘zining 300 yilligini nishonladi. Bugungi kunda Rossiyaning eng qadimgi universiteti jahon miqyosidagi ilmiy-ta’lim markazi bo‘lib, xalqaro reytinglarda yuqori o‘rinlarni egallab kelmoqda.
Bu yerda dunyoning turli mamlakatlaridan talabalar tahsil oladi va mutaxassislar faoliyat yuritadi; noyob jamoaviy foydalanishdagi «SPbU ilmiy parki» tadqiqot majmuasi faoliyat ko‘rsatadi, ilg‘or tadqiqot loyihalari yo‘lga qo‘yiladi va zamonaviy ilmiy kashfiyotlar amalga oshiriladi, dunyoning turli mamlakatlarida SPbU vakolatxonalari faoliyat yuritadi hamda qo‘shma ta’lim markazlari tashkil etilgan.
SPbU Tilni testdan o‘tkazish markazi 20 yildan ortiq vaqt davomida chet el fuqarolarining til bilish darajasini baholash sohasida yetakchilardan biri bo‘lib kelmoqda.
Bugungi kunda Universitetning dunyoning 60 dan ortiq mamlakatida 500 dan ziyod hamkori bor, talabalar esa talabalar mobilligi dasturlarida ishtirok etishlari mumkin.
Biz raqamlardamiz
720
asosiy ta’lim dasturlarining
5 500
xorijiy talabalar
4 000
ilmiy-pedagogik xodimlar
800
qo‘shimcha ta’lim dasturlari
30 000
talabalar
Qo'shimcha dasturlar
Qo'shimcha tayyorgarlik fakultetlari
Ikki diplomli dasturlar
Universitet infratuzilmasi
Ilmiy park
SPbU Ilmiy parki tarkibiga 22 ta resurs markazi kiradi. Uning umumiy maydoni 30 ming kvadrat metrdan ortiq. Uskunalarning ishlashini ta’minlash va tadqiqotlar o‘tkazish uchun bu yerda 200 dan ortiq mutaxassis mehnat qiladi. Ilmiy parkning noyob infratuzilmasidan butun dunyo olimlari foydalanishlari mumkin.
Gorkiy nomidagi kutubxona
Sankt-Peterburg universitetining ilmiy kutubxonasi Rossiya ma’rifati, fani va madaniyatining yodgorligi, shuningdek, Rossiyadagi eng qadimiy va yirik kutubxonalardan biridir. Uning fondlarida 7 000 000 dan ortiq bosma kitoblar va qo‘lyozmalar mavjud. Ta’lim oluvchilar 126 000 000 dan ortiq elektron manbalardan foydalanish imkoniyatiga ega.
Yotoqxonalar
SPbU yotoqxonalar majmuasi haqli ravishda shahardagi eng yirik majmua hisoblanadi (13 710 ta o‘rin).
Bu yerda dam olish xonalari, kirxonalar, kafelar, do‘konlar, dorixona, buyurtmalarni olib ketish punkti, sport zallari va maydonchalari, Wi-Fi mavjud.
SPbU yotoqxonalariga joylashish va ularda yashash haqida batafsil ma’lumot uchun https://campus.spbu saytiga tashrif buyuring
Laboratoriyalar va markazlar
Bugungi kunda Sankt-Peterburg universitetida zamonaviy ilmiy markazlar, institutlar va laboratoriyalar, shuningdek, 644 dan ortiq ilmiy jamoa faoliyat yuritadi. Har yili 50 dan ortiq ilmiy kashfiyot amalga oshiriladi va qariyb 15 000 ta ilmiy nashr chop etiladi.
Sport
Universitet jismoniy tarbiya va sport bilan shug‘ullanish uchun rivojlangan infratuzilmaga ega. Bu yerda turli sport to‘garaklari faoliyat yuritadi, sport maydonchalari mavjud, talabalar esa Rossiya va xalqaro musobaqalarda Universitet sharafini yuqori darajada himoya qiladilar.
Qiziqarli joylar
Universitetda ko‘plab qiziqarli va hayratlanarli joylar bor, ularning ayrimlari haqida videorolikda hikoya qildik.
Aloqalar
Sayt
Telefon
SPbGU
Sankt-Peterburg davlat universiteti
