Dastur haqida
Klinik psixolog kasalliklarni davolash, reabilitatsiya qilish va oldini olish, aholi o‘rtasida sog‘lom turmush tarzini qo‘llab-quvvatlash, davolash-tiklash jarayoni doirasida bemorlar bilan ishlash, shuningdek, profilaktika dasturlari doirasida psixologik-ma’rifiy faoliyat jarayonida psixodiagnostik, maslahat, psixoterapevtik va ekspertlik faoliyatini amalga oshiradi. Patopsixologik diagnostika va psixoterapiyaga ixtisoslashgan klinik psixolog ko‘p tarmoqli klinikalarning somatopsixiatriya bo‘limlarida va konsultativ-diagnostika markazlarida, narkologiya va psixiatriya klinikalarida, inqiroz markazlarida hamda aholini ijtimoiy himoya qilish muassasalarida ishlashi mumkin.