Окуу программасы жөнүндө
Программа корпоративдик түзүмдөрдө каржылык жана инвестициялык аналитиктерди, экономикалык субъекттердин каржылык стратегиялары боюнча натыйжалуу чечимдерди кабыл ала алган каржылык консультанттарды даярдоого багытталган. Бүтүрүүчүлөрдүн кесиптик милдеттери: корпорациянын ишмердүүлүгүнүн жыйынтыктарын талдоо жана баалоо, тобокелдик шарттарында компаниянын кирешелүүлүгүн баалоо, компаниянын каржысын уюштуруу жаатында моделдөө, каржылык анализ жүргүзүү, экономикалык субъекттердин акча агымын бюджеттөө жана башкаруу.
Бүтүрүүчүлөр ким болуп иштешет?
Бүтүрүүчүлөр каржы жана экономика тармактарында иштешет: эксперттик-аналитикалык кызматтарда жана экономикалык анализ борборлорунда, өкмөттүк сектордо жана коомдук уюмдарда (социалдык-экономикалык процесстерди талдоо жана божомолдоо); продукция жана кызмат көрсөтүүлөрдү өндүрүүчү компанияларда (суроо-талапты талдоо, каржылык агымдарды пландаштыруу); банктарда жана кредиттик уюмдарда, камсыздандыруу жана пенсиялык фонддордо, инвестициялык фонддордо. Ошондой эле аудитордук жана консалтинг компанияларында, каржылык рыноктордо (тобокелчиликтерди башкаруу), ар кандай тармактардагы уюмдардын экономикалык жана каржылык кызматтарында талап кылынат.
