Окуу программасы жөнүндө
Бүгүнкү күндө информатика жана эсептөө техникасы: компьютерлер, серверлер, маалыматтарды сактоо системаларысыз иштеген жана жергиликтүү жана глобалдык маалымат берүү тармактарын колдонбогон ийгиликтүү өнүгүп жаткан компанияны элестетүү кыйын. Бул багытта окуган студенттер — бул заманбап эсептөө техникасы менен иштеген келечектеги IT-адистер. Информатика жана эсептөө техникасы боюнча IT-адистерге болгон муктаждык жыл сайын өсүүдө, анткени эсептөө техникасы менен жабдылган ири өндүрүштөрдүн жана илимий борборлордун гана эмес, чакан жана орто бизнес ишканаларынын да саны өсүүдө.
Бүтүрүүчүлөр ким болуп иштешет?
Зарыл болгон билим жүгү жана жогорку интеллектуалдык алгоритмдик жана программалык продуктуларды иштеп чыгуу тажрыйбасы бүтүрүүчүлөргө алдыңкы программисттер, web-иштеп чыгуучулар, маалымат технологиялары бөлүмдөрүнүн жетекчилери, программалык камсыздоону иштеп чыгуучулар, колдонмо же системалык программисттер, компьютердик системалардын аналитиктери, компьютердик системалардын конструкторлору, тармактык программалык камсыздоону иштеп чыгуучулар, маалымат базаларын иштеп чыгуучулар, экономикалык жана бухгалтердик программалык камсыздоону иштеп чыгуучулар, жасалма интеллект системаларын иштеп чыгуучулар, мультимедиялык программалык камсыздоону жана компьютердик оюндарды иштеп чыгуучулар катары иштөөгө мүмкүндүк берет.
