Окуу программасы жөнүндө
Программанын максаты: жогорку квалификациялуу кадрларды — экономиканы санариптештирүү шарттарына ыңгайлашкан, бизнес-процесстерди талдоо, моделдөө жана башкаруу, санариптик технологияларды жана аларга байланыштуу өнүмдөр менен кызматтарды колдонуу, ошондой эле стратегияларды иштеп чыгуу жана уюмдун өнүгүү багыттарын аныктоо көндүмдөрүнө ээ кесипкөй бизнес-аналитиктерди даярдоо. Экономиканы санариптештирүү бизнес-процесстерди кайра түзүүнү же аларды ийкемдүү ыңгайлаштырууну талап кылат. Бизнес-аналитиктер уюмдарга рыноктогу өзгөрүүлөргө ыңгайлашууга, жаңы технологияларды киргизүүгө жана натыйжалуулукту жогорулатууга жардам беришет. Ошондуктан бул кесип азыркы эмгек рыногунда эң талап кылынган жана жогорку акы төлөнүүчү кесиптердин бири болуп саналат.
