Окуу программасы жөнүндө
Окуу процессинде студенттер мунай-газ ишинин негиздери, жер астындагы гидромеханика, газ-мунай түтүктөрүн куруу жана эксплуатациялоо негиздери, аларды коррозиядан коргоо ыкмалары, мунай-газ тармагындагы объектилерде жарылуучу иштердин технологиясы жана коопсуздугу менен таанышат. Ошондой эле студенттер геология, мунай жана газ химиясы, механика ж.б. тармактарында керектүү билимдерди алышат. Студенттер терең жана өтө терең кудуктарды бургулоонун өзгөчөлүктөрү, кургакта жана деңизде кудук продукцияларын даярдоо, долбоордук документтерди иштеп чыгуу, мунай-газ иштетүүчү жабдууларды эксплуатациялоо жана оңдоо менен таанышат.