Dastur haqida
Magistratura dasturi telekommunikatsiya tizimlarini ishlab chiqish va ulardan foydalanish sohasida yuqori malakali kadrlarni tayyorlashga, shuningdek, bunday tizimlarda axborotni uzatish, qayta ishlash va saqlash xavfsizligini ta’minlashga qaratilgan. O‘qish davomida talabalar turli avloddagi mobil aloqa tizimlarida (UMTS, LTE) hamda WiFi, Bluetooth kabi standartlarga asoslangan simsiz shaxsiy tarmoqlarda maxfiylik va xalaqitbardoshlikni tashkil etish jihatlarini o‘rganadilar. Bundan tashqari, dastur yer usti va kosmik telekommunikatsiya tizimlarida, xususan, navigatsiya tizimlarida signallarni shakllantirish va qayta ishlash usullarini tadqiq etish va ishlab chiqishga yo‘naltirilgan.