Dastur haqida
Bakalavr dasturi san’at, fan va ishlab chiqarish kesishmasida joylashgan bo‘lib, texnik bilim va ko‘nikmalarni talabalarning individual ijodiy qobiliyatlari bilan uyg‘un tarzda birlashtiradi. Rasm, kompozitsiya va rangtasvir bo‘yicha ko‘nikmalarga ega bo‘lgan talabalar zamonaviy uskunalarda materiallarni badiiy qayta ishlashning yuqori texnologiyalarini o‘zlashtiradilar. Natijada badiiy-sanoat buyumlarini yaratish va restavratsiya qilish sohasida mutaxassislar tayyorlanadi. Dasturining o‘ziga xos jihati — davlat standartlari va yangi texnologiyalar asosida yuqori darajadagi badiiy tayyorgarlikka ega mustahkam universitet ta’limini olishdir.