Dastur haqida
Mazkur “Yuqori unumdorlikdagi hisoblash tizimlari va komplekslarini matematik hamda dasturiy ta’minlash” dasturi doirasida matematika, algoritmlar nazariyasi, axborot nazariyasi, dasturlarni optimallashtiruvchi o‘zgartirishlar nazariyasi chuqur o‘rganiladi. Shuningdek, zamonaviy dasturlash tillari (C++, Python) hamda parallel va taqsimlangan dasturlash vositalari o‘zlashtiriladi. Asosiy e’tibor nafaqat nazariyaga, balki amaliy tadqiqotlar olib borish, kod yozish, uni testdan o‘tkazish va optimallashtirishga ham qaratiladi.
Bitiruvchilar kim bo'lib ishlaydi?
Bu sohadagi mutaxassislar matematika, informatika va muhandislik kesishgan nuqtasida faoliyat yuritadilar. Ularning vazifasi yuqori unumdor hisoblash tizimlari (superkompyuterlar, klasterlar, mashinaviy o‘qitish tizimlari va Big Data ma’lumotlarini qayta ishlash tizimlari) imkon qadar samarali ishlashi uchun dasturiy ta’minot yaratish va uni optimallashtirishdan iborat. Dasturiy ta’minot ishlab chiquvchi va arxitektori. Siz resurslardan samarali foydalana oladigan tizimlarni loyihalaysiz: vazifalarni parallellashtirasiz, kodni ko‘p yadroli protsessorlar va grafik tezlatkichlar uchun optimallashtirasiz. Bunday mutaxassislarga fintech, bioinformatika, ilmiy hisob-kitoblar, o‘yin dvigatellarini ishlab chiqish va sun’iy intellekt tizimlarini yaratish sohalarida talab katta. Yuqori unumdor hisoblashlar (HPC) bo‘yicha mutaxassis.
