Dastur haqida
Amaliy informatika zamonaviy oliy ta’limdagi eng yangi va istiqbolli mutaxassisliklardan biri bo‘lib, ishlab chiqarish va axborot texnologiyalari kesishgan nuqtada shakllanayotgan yangi kasbiy faoliyat sohasidir. Magistraturada ta’lim olish jarayonida talabalar axborot-kommunikatsiya texnologiyalari sohasidagi loyihaviy, tashkiliy-boshqaruv va ilmiy-tadqiqot faoliyati bilan bog‘liq universal hamda kasbiy kompetensiyalarni egallaydilar. Ta’lim davomida talabalar ma’lumotlarni qayta ishlash texnologiyalari, axborot tizimlari va ma’lumotlar bazalarini loyihalash, ishlab chiqish hamda ulardan foydalanish sohalarida nazariy va amaliy tayyorgarlikdan o‘tadilar.
