Dastur haqida
Mexatronika va robototexnika bo‘yicha mutaxassis mexatronik tizimlarni ishlab chiqadi, loyihalashtiradi, o‘rnatadi, dasturlaydi va ishga tushirish-sozlash ishlarini amalga oshiradi, shuningdek mexatronik tizimlarga texnik xizmat ko‘rsatadi, ularni ta’mirlaydi va sinovdan o‘tkazadi. U robototexnika majmualarini ishlab chiqish va ulardan foydalanish, shuningdek ularning ishini modellashtirish va optimallashtirish ko‘nikmalariga ega. O‘quv laboratoriyalari va ustaxonalar negizida talabalar o‘z kasbiy ko‘nikmalarini rivojlantirishlari, jumladan, mexatronik tizimlar elementlarini ishlab chiqishlari, o‘quv jarayoni uchun mobil robotlar va laboratoriya stendlarini yaratishlari mumkin.
