«Moskva arxitektura instituti (davlat akademiyasi)» federal davlat budjet oliy ta’lim muassasasi

Moskva arxitektura instituti (MARХI) — Rossiyaning yetakchi arxitektura maktabidir. Institut hozirgi ko‘rinishida 1933-yilda tashkil etilgan va shundan buyon faqat arxitektura yo‘nalishlari bo‘yicha mutaxassislar tayyorlab kelmoqda.

MARХI Moskva markazida, Rojdestvenka ko‘chasida, tarixiy Voronsovlar qarorgohida joylashgan. Ta’lim rus tilida olib boriladi. Dastur bakalavriat (5 yil), magistratura (2 yil) va aspiranturani o‘z ichiga oladi. Talabalar arxitektura va shaharsozlik loyihalash, landshaft arxitekturasi, restavratsiya hamda arxitektura muhitini dizayn qilish yo‘nalishlarida ixtisoslashadilar.