Dastur haqida
Dasturiy injiniring IT mutaxassislarini tayyorlashning zamonaviy yo‘nalishidir. Amalda dasturiy mahsulotlarni yaratish bilan boshqarilishi lozim bo‘lgan butun professional jamoalar shug‘ullanadi. Dasturiy injiniringni o‘rganib, siz nafaqat dasturiy tizimlar arxitektori va yuqori malakali dasturchi bo‘lasiz, balki axborot texnologiyalari sohasida loyihalar va jamoalarni boshqarishni ham o‘rganasiz.
Yo‘nalish bitiruvchilari dasturiy loyihalarni boshqarish, dasturiy tizimlarni loyihalash, ishlab chiqish, sinovdan o‘tkazish va joriy etish usullari hamda vositalarini puxta egallaydilar.
Bitiruvchilar kim bo'lib ishlaydi?
Bitiruvchi axborot tizimlarini ishlab chiqish bilan shug‘ullanuvchi har qanday kompaniyada quyidagi lavozimlarda ishlashi mumkin:
Dasturiy loyihalar rahbari
Dasturiy tizimlar arxitektori
Dasturchi
Ma’lumotlar bazasi administratori
Veb-dasturchi
Tizimlar tahlilchisi
Dasturiy tizimlarni test qilish bo‘yicha mutaxassis.
Ushbu ta’lim yo‘nalishi bitiruvchilari turli maqsadlarga mo‘ljallangan dasturiy ta’minotni sanoat miqyosida ishlab chiqarish sohasining mutaxassislaridir. Ular zamonaviy dasturlash tillarini (C, C#, Java, Python, 1C), dasturiy ta’minotni loyihalash, ishlab chiqish, test qilish va qo‘llab-quvvatlash usullari hamda vositalarini, shuningdek dasturiy loyihalar va IT xizmatlarini boshqarish texnologiyalarini egallagan.
