Окуу программасы жөнүндө
Программа заманбап менеджмент жана маркетинг жаатында адистерди даярдоого багытталган. Алар жогорку кесиптик деңгээлдеги аналитикалык жана башкаруу ишмердигин жүргүзүүгө жөндөмдүү болуп, заманбап бизнес чөйрөсүнүн чакырыктарына жооп бере алышат. Программанын негизин башкаруу, маркетинг, маалыматтык-коммуникациялык технологиялар жана рынокту талдоо жаатындагы дисциплиналар түзөт. Программанын студенттери компаниянын өнүгүүсүн жана илгерилетилишин башкаруу, ошондой эле рынокто продуктуну башкаруу жана илгерилетүүдө маркетинг технологияларын колдонуу боюнча билимге, билгичтиктерге жана көндүмдөргө ээ болушат
Бүтүрүүчүлөр ким болуп иштешет?
Сиз адистигиңизге жараша ар кандай кызматтарга талапкер боло аласыз. Долбоорлорду башкаруу жаатында окууну аяктагандан кийин долбоордук демилгелерди иштеп чыгуучу, долбоордук топтордун жетекчиси, операциялык ишмердүүлүк кызматынын адиси, кардарларды тейлөө бөлүмүнүн адиси же маркетинг бөлүмүнүн адиси боло аласыз.
Маркетинг жаатында маркетолог, маркетолог-аналитик же digital-маркетолог катары карьера кура аласыз. Ошондой эле менеджерлик кызматтарга талапкер болуп, сатуу боюнча менеджер, key account-менеджер, финансылык менеджер, логистика боюнча менеджер, долбоор менеджери же тобокелдиктер боюнча менеджер боло аласыз.
