Окуу программасы жөнүндө
Программа информатика жана математика окутуу методикаларын эркин билген, педагогикалык билим берүү жаатында терең билимге, жогорку кесипкөйлүккө ээ жана өз ишмердүүлүгүндө информатика жана математиканын теоретикалык-прикладдык негиздерин натыйжалуу колдонууга жөндөмдүү жогорку квалификациялуу педагогдорду сапаттуу даярдоо системасын камсыздоого, билим берүү чөйрөсүн уюштуруу көндүмдөрүн калыптандырууга, анын ичинде маалыматтык технологияларды колдонуу менен билим берүү сапатын камсыздоого багытталган
Бүтүрүүчүлөр ким болуп иштешет?
Бакалаврлар «Педагогикалык билим берүү» багыты боюнча (эки даярдоо профили бар, математика жана информатика) ар кандай чөйрөлөрдө иштей алышат. Орто жалпы билим берүү мекемелеринде (мектептер, лицейлер, гимназиялар), орто кесиптик билим берүү мекемелеринде (колледждер, техникумдар). Кошумча билим берүү системасында (билим берүү борборлору, окуучулардын илимий-техникалык чыгармачылык борборлору, билим берүүнү өнүктүрүү борборлору). Билим берүүнү башкаруу органдарында, коммерциялык билим берүү уюмдарында. Ошондой эле бүтүрүүчүлөр IT-компанияларда, бизнесте, мамлекеттик бийлик органдарында жана жергиликтүү өз алдынча башкарууда иштей алышат.
