Dastur haqida
Dastur zamonaviy ilmiy muhitda muvaffaqiyatli ishlash uchun zarur bo‘lgan ko‘nikmalarni, shuningdek, kimyoviy hodisa va jarayonlardan foydalanish bilan bog‘liq ilmiy-tadqiqot sohasida kimyok sifatida professional faoliyat olib borish uchun zarur bo‘lgan universal, umumkasbiy va kasbiy kompetensiyalarni shakllantirishga qaratilgan.
Dasturning majburiy qismi kimyo bo‘yicha fundamental tayyorgarlik va faol ilmiy-tadqiqot ishlarini o‘z ichiga oladi.
Dastur bo‘yicha ta’lim olish o‘zingizni tadqiqotchi-kimyogar sifatida sinab ko‘rish uchun haqiqiy imkoniyatdir. O‘quv rejasida ko‘zda tutilgan amaliyotlar Birlashgan Kimyoviy Tadqiqotlar Instituti ilmiy laboratoriyalari va markazlari bazasida o‘tkaziladi.
Bitiruvchilar kim bo'lib ishlaydi?
Kimyo yo‘nalishi bitiruvchilari kimyoviy mahsulotlarni ishlab chiqarish, tahlil qilish, sifatini nazorat qilish va sotish bilan shug‘ullanuvchi tashkilotlar va firmalarda, ilmiy-tadqiqot institutlarida, farmatsevtika kompaniyalari va korxonalarida, shuningdek, zavod va fabrikalarning kimyo-texnologiya bo‘limlarida, o‘g‘itlar, plastmassalar va sintetik tolalar ishlab chiqaradigan kimyo korxonalarida faoliyat yuritadilar. Ular oziq-ovqat, parfyumeriya, sellyuloza-qog‘oz sanoati korxonalarida, tog‘-kon va boyitish kombinatlarida, metallurgiya kombinatlarida ham ishlashlari mumkin. Olingan bilimlar ekologiya, qishloq xo‘jaligi sohasi, oziq-ovqat va dorivor o‘simliklarni qayta ishlash hamda sertifikatlashda qo‘llanilishi mumkin. Bundan tashqari, bakalavr darajasiga ega kimyogar maktab yoki kollejda dars berishi mumkin.
