Окуу программасы жөнүндө
Бул магистердик программаны ишке ашыруунун зарылдыгы маалыматтык-коммуникациялык технологиялардын өнүгүү өзгөчөлүктөрү жана заманбап медиа рыногунун муктаждыктары менен шартталган. Программанын мазмундук бөлүгү ачык маалыматтарды жана системаларды башкарууну, маалыматтарды визуалдаштыруунун негиздерин, инфографиканы, санариптик сторителлингди, программалоону, компьютердик лингвистиканы; иммерсивдүү журналистиканы, функционалдык дизайнды, статистиканы, машиналык окутуунун негиздерин, медиада нейрондук тармактардын иштөө өзгөчөлүктөрүн, маалыматты верификациялоо жана фактчекинг ыкмаларын изилдөөнү камтыйт.
Бүтүрүүчүлөр ким болуп иштешет?
«Жасалма интеллект жана маалымат журналистикасы» магистрдик программасы ЖМКлар, бизнес чөйрөсү (мультимедиа студиялары, интернет-порталдар, видео- жана аудио мазмундун маалымат базалары, компьютердик оюндарды жана программалык продуктуларды чыгаруучу компаниялар, мобилдик колдонмолор үчүн платформалар), илим жана билим берүү чөйрөсү, анын ичинде жогорку билим берүү, ошондой эле ИТ менен журналистиканын кесилишиндеги компетенцияларга ээ, чоң маалыматтар менен иштөө жана маалыматты верификациялоо жаатындагы көндүмдөрү бар адистерге муктаж болгон мамлекеттик, коммерциялык жана коммерциялык эмес түзүмдөр үчүн квалификациялуу кадрларды даярдоону билдирет.
