Dastur haqida
Mazkur magistratura dasturini amalga oshirish zarurati axborot-kommunikatsiya texnologiyalarining rivojlanish xususiyatlari va zamonaviy media bozorining ehtiyojlari bilan belgilanadi. Dastur mazmuni ochiq ma’lumotlar va tizimlarni boshqarish, ma’lumotlarni vizuallashtirish asoslari, infografika, raqamli storytelling, dasturlash, hisoblash lingvistikasi; immersiv jurnalistika, funksional dizayn, statistika, mashinaviy o‘qitish asoslari, mediadagi neyron tarmoqlarning ishlash xususiyatlari, axborotni verifikatsiya qilish va faktcheking usullarini o‘rganish bilan bog‘liq.
Bitiruvchilar kim bo'lib ishlaydi?
«Sun’iy intellekt va ma’lumotlar jurnalistikasi» magistratura dasturi OAV, biznes sohasi (multimedia studiyalari, internet-portalar, video va audio kontent ma’lumotlar bazalari, kompyuter o‘yinlari va dasturiy mahsulotlar ishlab chiqaruvchi kompaniyalar, mobil ilovalar uchun platformalar), fan va ta’lim sohasi, jumladan oliy ta’lim, shuningdek IT va jurnalistika kesishmasidagi kompetensiyalarga ega, katta ma’lumotlar bilan ishlash va axborotni verifikatsiya qilish ko‘nikmalariga ega mutaxassislarga muhtoj bo‘lgan davlat, tijorat va notijorat tuzilmalar uchun malakali kadrlar tayyorlashni nazarda tutadi.
