Окуу программасы жөнүндө
(Инженердик геодезия)
Бул адистик студенттерге топографиялык-геодезиялык иштер, картография жана спутникттик технологиялар жаатында фундаменталдык даярдык берет. Студенттер заманбап жогорку тактыктагы жабдуулар, анын ичинде электрондук тахеометрлер, GNSS кабылдагычтары, жер үстүндөгү лазердик сканерлер жана учкучсуз учуучу аппараттар (УУА) менен иштөөнү өздөштүрүшөт. Окуу программасына геодезиялык маалыматтарды иштетүү жана санариптик моделдөө үчүн кесиптик программалык камсыздоону (КРЕДО, CAD-системалар, GIS) үйрөнүү да кирет.
Бүтүрүүчүлөр инженер-геодезист квалификациясына ээ болуп, эмгек рыногунда эң көп талап кылынган адистердин катарына киришет.
