Окуу программасы жөнүндө
Программанын максаты — укук коргоо органдарында кесиптик ишмердик жүргүзүүгө оптималдуу даярдалган, коррупциянын жана коррупциялык укук бузуулардын алдын алуу маселелерин жакшы билген адисти даярдоо. Укук коргоо ишмердиги чөйрөсүндөгү юрист адамдын, коомдун жана мамлекеттин укуктарын коргоону камсыз кылууга багытталган кызматтык жана башка кесиптик милдеттерди жогорку деңгээлде аткарууга; коррупциялык укук бузуулардын алдын алуу боюнча укук коргоо ишмердигин квалификациялуу деңгээлде жүргүзүүгө жана тиешелүү функцияларды аткарууга; укук коргоо ишмердиги жана коррупциянын/коррупциялык укук бузуулардын алдын алуу жаатында сабак берүүгө жана илимий изилдөөлөрдү жүргүзүүгө даяр.
