Dastur haqida
Dasturdan ko‘zlangan maqsad huquqni muhofaza qiluvchi organlarda kasbiy faoliyat yuritishga maqbul darajada tayyorlangan, korrupsiya va korrupsiyaga oid huquqbuzarliklarning oldini olish masalalarini yaxshi biladigan mutaxassisni tayyorlashdan iborat. Huquqni muhofaza qilish faoliyati sohasidagi yurist shaxs, jamiyat va davlat huquqlarini himoya qilishga qaratilgan lavozimga oid hamda boshqa kasbiy vazifalarni yuqori darajada bajarishga; korrupsiyaga oid huquqbuzarliklarning oldini olish bo‘yicha huquqni muhofaza qilish faoliyatini malakali darajada amalga oshirish va funksiyalarni bajarishga; huquqni muhofaza qilish faoliyati hamda korrupsiya/korrupsiyaga oid huquqbuzarliklarning oldini olish sohasida dars berish va ilmiy tadqiqotlar olib borishga tayyor.
