Окуу программасы жөнүндө
Максат — маданият таануу жаатында фундаменталдык билимдерге ээ, заманбап ыкмаларды жана дисциплиналар аралык байланыштарды эске алуу менен маанилүү социалдык-маданий көйгөйлөрдү өз алдынча калыптандырып, аларды илимий-практикалык жактан иштеп чыгууга жөндөмдүү магистрлерди даярдоо. Бүтүрүүчүлөр маданият мекемелеринде, башкаруу органдарында, жалпыга маалымдоо каражаттарында жана билим берүү мекемелеринде илимий-изилдөө, долбоордук-аналитикалык жана эксперттик, маданий-агартуу, ошондой эле педагогикалык ишмердүүлүк чөйрөлөрүндөгү милдеттерди чече алышат. Бүтүрүүчүлөрдүн кесиптик ишмердүүлүк чөйрөсүнө маданий саясат жана башкаруу, маданий жана жаратылыш мурастары, социалдык-маданий жана массалык коммуникациялар, ошондой эле билим берүү кирет.
