Dastur haqida
Maqsad — madaniyatshunoslik sohasida fundamental bilimlarga ega bo‘lgan, zamonaviy yondashuvlar va fanlararo aloqalarni hisobga olgan holda muhim ijtimoiy-madaniy muammolarni mustaqil ravishda shakllantirish hamda ularni ilmiy-amaliy jihatdan ishlab chiqishga qodir magistrlarni tayyorlash. Bitiruvchilar madaniyat muassasalari, boshqaruv organlari, ommaviy axborot vositalari va ta’lim muassasalarida ilmiy-tadqiqot, loyiha-tahliliy va ekspertlik, madaniy-ma’rifiy hamda pedagogik faoliyat sohalaridagi vazifalarni hal qila oladilar. Bitiruvchilarning kasbiy faoliyat sohasi madaniy siyosat va boshqaruv, madaniy va tabiiy meros, ijtimoiy-madaniy va ommaviy kommunikatsiyalar hamda ta’limni qamrab oladi.
