Окуу программасы жөнүндө
Программа заманбап коомдогу адамдын жашоосунун ар кандай аспектилерине, интеллектуалдык, социалдык, маданий, саясий процесстерге кызыккан абитуриенттерге арналган. Программа боюнча окуу учурунда студенттер заманбап дүйнөнүн социомаданий, этникалык, диний ар түрдүүлүгү, жаштар субмаданияттарынын өзгөчөлүктөрү, жаштардын кызыкчылыктары, ар кандай муун өкүлдөрүнүн руханий, материалдык жана постматериалдык баалуулуктары, экономикалык, укуктук түзүмдөрдүн жана социалдык коммуникациялардын иштеши менен таанышат.
Бүтүрүүчүлөр ким болуп иштешет?
Бакалавриат программасын өздөштүргөн бүтүрүүчүлөрдүн кесиптик ишмердүүлүк чөйрөсү билим берүү, илимий-изилдөө, маданий-маалымат жана башкаруу тармактарын камтыйт, ошондой эле төмөнкү кызматтарда иштей алышат: - орто, орто-атайын жана жогорку окуу жайларында философия жана философиялык-маданий дисциплиналардын окутуучулары; - басмаканалардын, жалпыга маалымдоо каражаттарынын, телевидениенин редакциялык жана маалыматтык-аналитикалык бөлүмдөрүндөгү кызматкерлерди; - илимий-изилдөө институттарындагы кичи илимий кызматкерлерди; басма сөз катчыларын жана социалдык өнүгүү тармагындагы адистерди;
