Окуу программасы жөнүндө
«Өндүрүштүк-технологиялык системаларда жана тейлөө чөйрөсүндө сапатты башкаруу» профили өндүрүш ишканаларында жана тейлөө уюмдарында сапат чөйрөсүндөгү ишмердүүлүктү пландаштыра, камсыздай, көзөмөлдөй жана жакшырта алган; заманбап сапат менеджменти тутумдарын иштеп чыгып, киргизип жана алардын натыйжалуу иштешин камсыздай алган; уюмдун продукциясынын же кызмат көрсөтүүлөрүнүн туруктуу жогорку сапаты үчүн жооп бере алган квалификациялуу адистерди даярдоого багытталган. Сапатты башкаруу боюнча адис уюмдун атаандаштыкка жөндөмдүүлүгүн жогорулатуу боюнча чараларды пландаштырып жана ишке ашырат, ишкананын технологиялык процесстерин жакшыртат, кызматкерлерди окутууга катышат ж.б.