Окуу программасы жөнүндө
Окуу процессинде студенттер конструкциялык металл, металл эмес жана башка түрдөгү материалдардын түзүлүшүнүн негизги түшүнүктөрүн жана өзгөчөлүктөрүн, алардын касиеттеринин түзүлүшүнө жана курамына көз карандылыгын; сырткы таасирлер жана эксплуатация шарттарында материалдарда болуп жаткан көрүнүштөрдүн физикалык маңызын өздөштүрүшөт. Ар кандай багыттагы буюмдарды (машиналар жана приборлор, инструменттер, конструкциялар деталдары) жасоо үчүн материалдарды туура тандоону үйрөнүшөт; сырткы таасирлердин таасири астында материалдардын механикалык касиеттеринин өзгөрүүлөрүн баалашат: пластикалык деформация, термикалык иштетүү; жаңы конструкциялык материалдарды түзүүнүн келечектүү багыттары жөнүндө түшүнүк алышат.
Бүтүрүүчүлөр ким болуп иштешет?
Бүтүрүүчүлөрдүн кесиптик ишмердүүлүк чөйрөсү ар кандай максаттагы органикалык эмес жана органикалык табияттагы материалдарды иштеп чыгууну, изилдөөнү, модификациялоону жана колдонууну, материалдарды, даярдыктарды, жарым фабрикаттарды, деталдарды жана буюмдарды алуу процесстерин, ошондой эле ар кандай техника жана технология тармактары үчүн алардын сапатын башкарууну камтыйт (машина куруу жана прибор куруу, авиация жана ракета-космос техникасы, атомдук энергетика, наноиндустрия, медициналык техника, спорттук жана тиричилик техникасы). Бүтүрүүчүлөр төмөнкү кызматтарга жумушка орношушат: электр жылытуучу мештер менен иштөө боюнча термист; химиялык-термикалык иштетүү (азоттоо, цементация, нитроцементация) боюнча термист.
