Dastur haqida
«Kosmik fizika, astronomiya» mutaxassisligining asosini kosmik fazoda va kosmik obyektlarda kechadigan jarayonlar hamda hodisalarni nazariy va eksperimental tadqiq etish, fundamental fizik nazariyalar va astronomik kuzatuvlar asosida osmon jismlarining kelib chiqishi, harakati va evolyutsiyasini o‘rganish tashkil etadi. Dasturning mohiyati: chuqur nazariy va eksperimental tayyorgarlik hamda mustaqil ilmiy ish olib borishdan iborat bo‘lib, asosiy maqsad PhD dissertatsiyasini yozish va himoya qilishdir. Asosiy e’tibor kosmosdagi fizik jarayonlar, osmon jismlari va muhitlarning evolyutsiyasi, Quyosh–Yer aloqalari, kosmik plazma, ekzoplanetalar, Koinotning keng ko‘lamli tuzilishi va boshqa yo‘nalishlarni o‘rganishga qaratiladi.
