Dastur haqida
Texnik-texnolog detallarni tayyorlash texnologik yo‘nalishlarini, mashinasozlik mahsulotlarini yig‘ish texnologik jarayonlarini ishlab chiqadi; avtomatlashtirilgan loyihalash vositalari yordamida mashina detallarini tayyorlash va qayta ishlash jarayonlarini rejalashtiradi hamda joriy etadi; mashina detallarini tayyorlash uchun boshqaruv dasturlarini ishlab chiqish va joriy etishda ishtirok etadi.
Texnik-texnolog mashinasozlik ishlab chiqarish uskunalarini nazorat qilish, sozlash va texnik xizmat ko‘rsatishni, shuningdek, mashinasozlik ishlab chiqarishida texnologik jarayonlarni amalga oshirish bo‘yicha ishlarni tashkil etadi.
Bitiruvchilar kim bo'lib ishlaydi?
«Mashinasozlik texnologiyasi» ta’lim dasturi bitiruvchilariga texnik-texnolog malakasi beriladi.
Bitiruvchilar turli sanoat korxonalarida, jumladan raketa-kosmik sanoat, avtomobilsozlik, aviasozlik korxonalarida hamda sanoatdagi umumiy faoliyat yo‘nalishlarida ishga joylashadilar. Ular ishlab chiqarishning turli tarmoqlarida buyumlarni qayta ishlash va yig‘ish texnologik jarayonlarini ishlab chiqish, joriy etish va nazorat qilish bilan shug‘ullanishlari mumkin. Texnik-texnolog materiallar, uskunalar va resurslardan optimal foydalanishni, shuningdek mahsulot sifati va xavfsizligi standartlariga rioya etilishini ta’minlaydi.
