Dastur haqida
Bugungi kunda logistika axborot, moddiy, moliyaviy va xizmat ko‘rsatish oqimlarini boshqarish hamda optimallashtirishga oid fanining asosiy yo‘nalishlaridan biri, shuningdek, biznesning dolzarb ehtiyojlarini ta’minlaydigan soha hisoblanadi. Logistikaning asosiy vazifasi iste’molchilar ehtiyojlarini qondirishdir. Ushbu vazifani bajarish uchun zarur miqdordagi yuk yoki yo‘lovchilarni kerakli manzilga optimal yo‘nalish bo‘ylab, belgilangan muddatda va eng kam xarajatlar bilan yetkazish tizimini yaratish lozim. Transport logistikasi aynan shu masala bilan bevosita shug‘ullanadi.
