Dastur haqida
Ushbu yo‘nalish axborot tizimlari, raqamli xizmatlar va muhim infratuzilmani kiberxavflardan himoya qilish bo‘yicha mutaxassislarni tayyorlaydi. Talabalar axborotni himoya qilish texnologiyalari, xavfsizlik auditi, insidentlarni boshqarish, tarmoqlarni administratsiya qilish, zaifliklarni aniqlash, raqamli kriminalistika va axborot xavfsizligi standartlarini o‘zlashtiradilar. Avtomatlashtirilgan texnologik jarayonlarni boshqarish tizimlari, kiberfizik tizimlar va energetika obyektlarini himoya qilishga alohida e’tibor qaratiladi. Ta’lim jarayonida hujumlarga qarshi kurashish usullari, monitoring, proaktiv himoya va dasturiy ta’minotni xavfsiz ishlab chiqish o‘rganiladi. Bitiruvchilar himoya tizimlarini loyihalaydi, xatarlarni boshqaradi, insidentlarni tekshiradi hamda davlat tashkilotlari va biznesning raqamli infratuzilmasi barqarorligini ta’minlaydi.
