Dastur haqida
“Geologiya va neft-gaz qazib olishda raqamli texnologiyalar” dasturi neft-gaz sanoatini raqamlashtirish uchun IT mutaxassislarini tayyorlaydi. Talabalar geologiya va neft qazib olishda matematik modellashtirish usullarini, geologik va gidrodinamik modellashtirish texnologiyalarini (Tempest, Schlumberger Petrel, Eclipse, t-Navigator va boshqalar) o‘zlashtiradilar, shuningdek, neft-gaz sanoati uchun dasturiy mahsulotlar ishlab chiqish va ilmiy-tadqiqot ishlarida tajriba orttiradilar. Dastur bitiruvchilari tizim muhandisligi, ma’lumotlarni tahlil qilish (Big Data, intellektual tahlil), geoinformatsion texnologiyalar va loyihalarni boshqarishni chuqur o‘rganishlari natijasida IT va neft-gaz sektori kesishmasidagi murakkab vazifalarni hal etishga tayyor bo‘ladilar.
