Dastur haqida
Talabalar davlat va huquq nazariyasi hamda tarixini, konstitutsiyaviy, fuqarolik, jinoyat, ma’muriy, mehnat va huquqning boshqa tarmoqlarini, protsessual fanlarni (fuqarolik va jinoyat protsessi), shuningdek, huquqiy axborot tizimlarini o‘rganadilar. Dastur doirasida huquqiy hujjatlarni tuzish, sud amaliyotini tahlil qilish bo‘yicha amaliy mashg‘ulotlar, ishbilarmonlik o‘yinlari hamda sudlar, prokuratura, ichki ishlar organlari, yuridik firmalar va davlat organlarida amaliyot o‘tash imkoniyati mavjud.
