Dastur haqida
“Agrobiznesda elektr ta’minoti va mexanizatsiya” yo‘nalishidagi ushbu dastur qishloq xo‘jaligi korxonalarining elektr ta’minoti tizimlari, elektr jihozlari hamda agroindustrial majmuadagi texnologik jarayonlarni avtomatlashtirish vositalarini o‘rganishga, shuningdek ishlab chiqarishni mexanizatsiyalashning samarali usullarini ishlab chiqishga qaratilgan fanlarni o‘z ichiga oladi. Dastur maqsadi — agroindustrial majmuada elektrtexnika va mexanizatsiyalashgan tizimlarni loyihalash, ulardan foydalanish va modernizatsiya qilish, qishloq xo‘jaligi ob’ektlarini ishonchli elektr ta’minoti bilan ta’minlash, avtomatlashtirilgan va robotlashtirilgan texnologik jarayonlarni joriy etishga qodir mutaxassislarni tayyorlashdir.