Dastur haqida
Dasturning maqsadi — axborot-kommunikatsiya texnologiyalaridan foydalanish hamda davlat va huquqning raqamli transformatsiyasi sharoitida qonuniylik va huquq-tartibotni ta’minlash sohasida fundamental bilimlar va amaliy ko‘nikmalarni shakllantirish. Dastur bitiruvchisi axborot-kommunikatsiya texnologiyalari sohasidagi qonunchilikning nozik jihatlarini biladi; axborot xavfsizligi va raqamli iqtisodiyotni huquqiy jihatdan professional ta’minlay oladi, axborot-kommunikatsiya texnologiyalari sohasida tadbirkorlik faoliyati subyektlarining huquqlarini himoya qilishga oid ishlarni yurita oladi, da’vo va sud ishlarini olib boradi; axborot-kommunikatsiya texnologiyalari sohasida protsessual hujjatlarni ishlab chiqadi.
