Dastur haqida
«Kino san’ati» magistratura ta’lim dasturi kino san’atining rivojlanishi haqida tizimli bilimlarga ega bo‘lish, OAVda kinotanqid sohasida hamda ilmiy-tadqiqot faoliyatini olib borishda professional ko‘nikmalarni shakllantirish imkonini beradi. Mazkur ta’lim dasturining o‘ziga xos jihati — kinoning san’atning boshqa turlari bilan uzviy bog‘liqligi, shuningdek, bugungi ijtimoiy, madaniy, ilmiy va texnologik o‘zgarishlar bilan bog‘liq holda kinojarayonning hozirgi holatini chuqur o‘rganishdir. Bu magistrantlarga kino biznesida ham, mediaindustriyaning turdosh sohalarida ham muvaffaqiyatli faoliyat yuritish imkonini beradi.
