Dastur haqida
Dasturning maqsadi — kompaniya va biznesni, jumladan, startaplar hamda zamonaviy biznes modellarini strategik, taktik va operatsion boshqarishning samarali usul va vositalari tizimini egallagan yuqori malakali menejerlarni tayyorlash. Dastur menejment, liderlik, moliya, strategik rejalashtirish, marketing, innovatsiyalarni boshqarish, ishlab chiqarish, sifat, biznes jarayonlari va zamonaviy menejmentning boshqa funksional yo‘nalishlari bo‘yicha bilimlar hamda amaliy kompetensiyalar muvozanatini ta’minlaydi. Menejerning yumshoq (moslashuvchan) ko‘nikmalarini — liderlik, kommunikativlik, tanqidiy fikrlash, innovatsionlik va kreativlik, hamkorlik, stressga chidamlilikni rivojlantirishga alohida e’tibor qaratiladi.