Окуу программасы жөнүндө
Теориялык физика негизги физикалык түшүнүктөрдү бөлүп көрсөтүүдөн жана бул түшүнүктөрдү байланыштырган табият мыйзамдарын математикалык тилде формулировкалоодон, байкалган табият кубулуштарын формулировкаланган табият мыйзамдарынын негизинде түшүндүрүүдөн, ошондой эле табылышы мүмкүн болгон жаңы табият кубулуштарын алдын ала айтуудан турат. Физика табиятты таанып-билүүнүн негизги жолу катары кубулуштардын математикалык моделдерин түзүүнү жана аларды чындык менен салыштырууну колдонот.
Бүтүрүүчүлөр ким болуп иштешет?
Бүтүрүүчү алган билимдерин физикалык маселелерди чечүү менен байланышкан уюмдарда, ар кандай деңгээлдеги билим берүү уюмдарында колдоно алат. Физиктер илимий-изилдөө институттарында жана борборлордо, биргелешкен ишканаларда жана физикалык приборлорду колдонуу, тейлөө жана ишке ашыруу менен байланышкан чет элдик фирмалардын өкүлчүлүктөрүндө иштешет. Көптөгөн ири компаниялардын изилдөө борборлорунда, ата мекендик жана чет элдик, физикалык изилдөө ыкмаларын жана технологияларын колдонуу талап кылынган жерлерде – инженердик-физикалык, биофизикалык, химиялык-физикалык, медициналык-физикалык, жаратылышты коргоо.
