Дар бораи барномаи таълимӣ
Соҳаи фаъолияти касбӣ масъалаҳои зеринро дар бар мегирад: омӯзиш ва истифодаи лаппишҳо ва мавҷҳои электромагнитӣ; паҳн намудани усулҳои дар ин замина таҳияшуда дар дигар илмҳо (электроника, оптика, акустика, технологияҳои иттилоотӣ ва техникаи ҳисоббарор); тахассус дар соҳаҳои телекоммуникатсия, алоқа, интиқол, қабул ва коркарди иттилоот; фаъолият дар муассисаҳои таҳсилоти олӣ ва миёнаи касбӣ, инчунин таҳсилоти миёнаи умумӣ.
Объектҳои фаъолияти касбӣ ҳамаи намудҳои зуҳуроти физикӣ ва объектҳои дар табиат мушоҳидашавандаеро дар бар мегиранд, ки хусусияти мавҷӣ ё лаппишӣ доранд, инчунин усулҳо, алгоритмҳо, асбобҳо ва дастгоҳҳои марбут ба соҳаҳои фаъолияти мазкурро.
