Dastur haqida
Dasturdan ko‘zlangan maqsad — davlat hokimiyati organlaridagi yuridik faoliyatning mazmuni va o‘ziga xos xususiyatlari, shuningdek, tashkilotlarning yuridik xizmatlari bilan davlat hokimiyati organlari o‘rtasidagi idoraviy va idoralararo hamkorlik usullari hamda shakllari haqida konseptual bilim berish, olingan bilimlarni amaliyotda to‘g‘ri va malakali qo‘llashga o‘rgatishdan iborat. Dastur bitiruvchisi davlat hokimiyati organlari faoliyatini huquqiy jihatdan ta’minlay oladi, muayyan davlat va munitsipal funksiyalarni amalga oshirish tartib-taomillari hamda reglamentlarini yuqori malaka darajasida bajaradi; davlat hokimiyati organlari manfaatlarini sud va nazorat instansiyalarida ifodalay oladi; normativ-huquqiy hujjatlarni ishlab chiqishi mumkin.
