Окуу программасы жөнүндө
«Экология жана жаратылышты пайдалануу» багытында студенттер математика, физика, химия, биология, информатика, экология боюнча, ошондой эле Жер жөнүндөгү илимдердин ар түрдүү тармактары: геология, геоморфология, топурак таануу, атмосфера жөнүндөгү илим, гидросфера жөнүндөгү илим жана башка сабактар боюнча фундаменталдык билим алышат. Студенттер географиялык маалыматтык системаларды (ГМС) колдонуу жана аэро- жана космостук сүрөттөрдү иштетүү көндүмдөрүнө ээ болушат. Экология жана жаратылышты пайдалануу боюнча адистерди даярдоодо климаттын өзгөрүшүн болжолдоо, айлана-чөйрөнүн булганышын, айлана-чөйрөгө тийгизген таасирди жана экологиялык тобокелдикти баалоо маселелерин чечүүгө мүмкүндүк берген жаңы заманбап изилдөө ыкмалары колдонулат.
